Kembrij Markaziy Osiyo forumi Raisi


Fizika professori
Kembrij universiteti, Buyuk Britaniya

🇬🇧🇮🇳
Siddxart Saksena, Ph.D.

Siddxart Saksena, Ph.D.

Kembrij Markaziy Osiyo forumi Raisi

Fizika professori
Kembrij universiteti, Buyuk Britaniya

Eksperimental fizika bo‘yicha Ph.D.
Tarixiy antropologiya bo‘yicha Ph.D.
Kembrij universiteti, Buyuk Britaniya

Tarjimai xol

Professor Siddxart (Montu) Saksena Kembrij Markaziy Osiyo forumining raisi, Markaziy Osiyo qo‘mitasining faxriy kotibidir. U bir vaqtning o‘zida bir nechta professorlik lavozimiga ega, faxriy va taklif qilingan professorlik lavozimlari shular jumlasidandir. Professor Saksena o‘nlab magistrlik va Ph.D. darajalariga nomzodlariga ilmiy rahbarlik qilgan, ko‘plab talabalar diplom loyihalarining yozilishini boshqargan.

 

So‘nggi besh yil ichida professor Saksena to‘rtta yirik xalqaro konferentsiyaga raislik qildi, ko‘plab xalqaro panel muhokamalarda va hukumat forumlarida ma’ruzachi va moderator sifatida so‘zga chiqqan hamda yetmishdan ortiq ma’ruzalarni taqdim etgan. Oltmishta ilmiy maqolalar, eksperimental fizika va mintaqaviy rivojlanish muammolari bo‘yicha qo‘llanmalar uchun boblar va tezislar nashr etgan. Professor Saksena eksperimental fizika sohasidagi tadqiqotlari kuchli korrelyatsiyalangan elektronlar, o‘tkazuvchanlik va magnitlanish nazariyalariga qaratilgan. U to‘rtta yangi supero‘tkazuvchilarni, shu jumladan birinchi ferromagnit supero‘tkazgichni kashf etgan. 2006-yilda janob Saksena Xalqaro nazariy va amaliy fizika ittifoqining (IUPAP) yosh olimlar uchun medali bilan taqdirlandi.

 

Professor Saksena mintaqaviy rivojlanish muammolarini o‘rganish borasidagi
ilmiy faoliyati doirasida 20 yildan ko‘proq vaqt mobaynida Markaziy Osiyo bilan bog’liq tadqiqotlarida Qozog‘istonda Olmaota va Ostona, O‘zbekistonda Buxoro va Farg‘ona vodiysi, Xitoydagi Qashg’ar, shuningdek Afg‘onistonning ayrim hududlariga alohida e’tibor qaratgan holda faol ishtirok etib kelmoqda. 2011- yilda u Qozog‘istonda “Ta’lim sohasidagi xizmatlari uchun” medali, shuningdek, Qozog‘iston va O‘zbekiston prezidentlarining faxriy medallari bilan taqdirlangan.

 

Professor Saksena Nyu-Orlean Universitetini (AQSh) fizika mutaxassisligi bo’yicha bakalavr darajasi bilan tugatgan va Kembrij universitetidan (Buyuk Britaniya) ikkita falsafa doktori (Ph.D.) ilmiy darajasiga ega: biri eksperimental fizika, ikkinchisi esa tarixiy antropologiyaga bo‘yicha. Janob Saksena Groningen universitetida (Niderlandiya), London universitet kollejida (Buyuk Britaniya) ilmiy tadqiqotlar olib borgan, shuningdek, Kembrij universiteti (Buyuk Britaniya)ning Girton kollejida ilmiy amaliyot o‘tagan.